بارکھان : بلوچستان کے ضلع بارکھان کے علاقے حاجی کوٹ کے قریب کنوئیں سے خاتون سمیت تین افراد کی لاشیں برآمد ہوئی ہیں۔
ایس پی بارکھان نے جیو نیوز کو بتا یا کہ بارکھان کے علاقے حاجی کوٹ کے نواح میں واقع کنویں سے خاتون سمیت تین افراد کی لاشیں نکالی گئیں۔
انہوں نے کہا کہ برآمد شدہ لاشوں کی عمریں 20 سے 25 سال کے لگ بھگ ہیں ،تینوں کو فائرنگ کرکے قتل کیا گیا ہے جبکہ خاتون کے چہرے کو تیزاب ڈال کر مسخ کیا گیا ہے۔
لاشیں شناخت کیلئے ڈی ایچ کیو اسپتال بارکھان منتقل کردی ہیں جہاں ان کا طبی معائنہ کر کے رپورٹ تیار کی جائے گی۔
بی ایس او پجار آواران زون نے اس قتل کا الزام صوبائی وزیر سردار عبدالرحمٰن کھیتران پر عائد کیا ہے ۔ ترجمان کے مطابق کل رات بارکھان میں کنویں سے ملنے والی لاشیں خان محمد مری کی بیوی گراں ناز اور دو بیٹوں کی تھیں۔ گراں ناز نے دو ہفتے قبل قرآن پاک اٹھائے بلوچ قوم سے فریاد کرتے ہوئے سردار عبدالرحمٰن کی نجی قید سے آزاد کرنے کی اپیل کی تھی۔ لیکن افسوس کہ حکمرانوں کو قرآن اٹھائے فریاد کرتی ہوئی ماں کی فریاد سنائی نہ دی اور وہ قتل کردی گئی۔ بی ایس او پجار آواران کے ترجمان نے کہا کہ ان ظالم سردار دلاروں کے خلاف بلوچ قوم کو نکلنا ہوگا ۔
بارکھان : کنوئیں سے ماں اور دو بیٹیوں کی نعشیں برآمد : صوبائی وزیر کی جیل میں قید تھیں ۔ بی ایس او
ایڈیٹر1 Views
