سال 2024کا پہلا دکھ، معروف بینکار،ڈاکٹر عاصی کرنالی کے صاحبزادے عظمت کمال انتقال کرگئے

معروف بینکاراور شاعر عظمت کمال یکم جنوری کی صبح ملتان میں انتقال کرگئے۔ ان کی عمر 65برس تھی۔ وہ کافی عرصے سے علیل تھے۔ عظمت کمال عدیل حسین عاصی(بینک الحبیب)، علی ایمن اور محمد صارم کے والد تھے اور معروف شاعر وماہر تعلیم ڈاکٹر عاصی کرنالی کے صاحبزادے تھے۔اہل خانہ کے مطابق وہ کئی روز سے صاحب فراش تھے۔ ان کی نماز جنازہ آج یکم جنوری سوموار کو چاربجے شام امام بارگاہ حیدریہ میں ادا کی جائے گی۔زندگی کے مختلف شعبوں سے تعلق رکھنے والے افراد نے ان کے انتقال پر گہرے دکھ اورصدمے کااظہارکیا ہے۔
دریں اثناء سخن ورفورم کے عہدیداروں رضی الدین رضی،شاکر حسین شاکر، قمررضا شہزاد، نوازش علی ندیم، وسیم ممتاز، اظہر سلیم مجوکہ، سید سہیل عابدی، ضیاء ثاقب بخاری، ملک شاہد عباس نے ان کی وفات پر گہرے دکھ اورصدمے کااظہار کیا ہے اور دعا کی ہے کہ ان کے درجات بلند ہوں۔