ملتان () شاہ فیصل کالونی میں قرآن پاک کی مبینہ بے حرمتی کا معاملہ ، پولیس تھانہ شاہ رکن عالم نے دفعہ 295 بی کے تحت ملزم کے خلاف مقدمہ درج کر لیا ہے – تفصیلات ہے مطابق شاہ فیصل کالونی محلہ غوث پورہ کے رہائشی محمد زاہد نے قرآن پاک اٹھا کر بار بار زمین پر گرایا ، قرآن پاک کی بے حرمتی پر محلہ دار بہرام خان کی درخواست پر پولیس تھانہ شاہ رکن عالم نے دفعہ 295 بی کے تحت مقدمہ کا اندراج کر لیا ہے – ایف آئی آر کے متن کے مطابق گستاخی کرنے والے شخص کی بیوی صائمہ نے محلہ داروں کو اکٹھا کیا اور قرآن پاک کی بے حرمتی بارے آگاہ کرتے ہوئے بتایا کہ اس کا شوہر ماضی میں بھی قرآن پاک کی بے حرمتی کر چکا ہے ، جس پر علماء کرام سے فتویٰ لے کر اس نے شوہر سے تجدید ایمان و تجدید نکاح کیا۔
