لاہور: معروف کامیڈین اور اداکار انورعلی طویل علالت کے بعد انتقال کرگئے۔
وہ ایک کہنہ مشق فنکار تھے انہیں پھیپھڑوں اور گردوں کے عارضے لاحق تھے اور وہ کئی روز سے زیرِ علاج تھے۔ انور علی کی عمر 71 برس تھی ۔ گزشتہ شب طبیعت زیادہ بگڑنے پر انہیں رائیونڈ روڈ کے ایک اسپتال منتقل کیا گیا جہاں وہ جانبر نہ ہو سکے۔
انور علی کی نمازجنازہ کل نماز ظہر کے بعد ماڈل ٹاؤن لنک روڈ پر ادا کی جائےگی۔
انور علی کو پاکستان کے تھیٹر اور فلمی تاریخ کے صفِ اول کے مزاحیہ اداکاروں میں شمار کیا جاتا ہے۔ انہوں نے اپنے دلکش انداز اور منفرد طنز و مزاح کے ذریعے مداحوں کو ہمیشہ محظوظ کیا اور لاکھوں دلوں میں جگہ بنائی۔
ان کے انتقال پر مداحوں سمیت شوبز حلقوں کی جانب سے گہرے دکھ اور افسوس کا اظہار کیا جا رہا ہے۔
ٰ( بشکریہ : جیو نیوز )
