منصور کریم سیال کو وسیب کا سلامِ آخر : نماز جنازہ میں سیکڑوں افراد کی نم آنکھوں سے شرکت

ملتان : نامور سرائیکی دانشور ، پاکستان سرائیکی پارٹی کے بانی سیکریٹری جنرل ، منصور کریم سیال کو ہفتہ 29 مارچ کو قبرستان حسن پروانہ ملتان میں سپرد خاک کر دیا گیا ۔ ان کا آج شب طویل علالت کے بعد انتقال ہوگیا تھا ۔میاں منصور کریم سیال کی نماز جنازہ آج ابدالی مسجد ملتان میں پڑھائی گئی ۔جس میں ملک عامر ڈوگر ایم این اے ،سابق وفاقی وزیرِ سید جاوید علی شاہ ،پاکستان سرائیکی پارٹی کے سینئر رہنما ممتاز خان ڈاھر ،پاکستان سرائیکی پارٹی کے رہنما ملک نعیم اقبال ایڈووکیٹ ،ملک جاوید حسین چنڑ ایڈووکیٹ ،شریف خان لاشاری ،سید اظہر شاہ بُخاری ،ملک شفقت میتلا ،جاوید اختر بھٹی ،میاں بشیر احمد بھٹّی ایڈووکیٹ نے شرکت کی ۔
اس کے علاوہ اکرم میرانی ،اسلم جاوید ، جبار مفتی ، مظہر جاوید ، ڈاکٹر صلاح الدین حیدر ، ڈاکٹر انوار احمد ، شوکت اشفاق ، رفیق ملک ، ملک عامر ڈوگر ، عبدالستار قمر ، رضی الدین رضی ، شاکر حسین شاکر ، خواجہ حبیب ، خورشید ملک ، ڈاکٹر خالد اقبال ، سہیل جاوید ، اکرم ایڈووکیٹ ، غضنفر عباس ، شکیل بلوچ، منور حسین ، حاجی احمد نواز سومرو ، اور دیگر بھی جنازے میں شریک تھے ۔ اس موقع پر سرائیکی کارکنان غم زدہ نظر آئے ہر آنکھ نم تھی ۔ انہیں پاکستان سرائیکی پارٹی کے پرچم میں سپرد خاک کیا گیا ۔منصور کریم سیال کی رسم قل خوانی کل ملتان القریش ہاؤسنگ سکیم انکے گھر ادا کی جائے گی ۔