مریم نوازکامنفرد اعزاز، پنجاب کی پہلی خاتون وزیراعلی منتخب ہوگئیں

مسلم لیگ (ن) کی نامزد امیدوار اور سابق وزیراعظم میاں نوازشریف کی صاحبزادی مریم نواز بھاری اکثریت سے پنجاب کی پہلی خاتون وزیراعلی منتخب ہوگئیں۔انہوں نے 327رکنی ایوان میں 220ووٹ حاصل کیے جبکہ ان کے مدمقابل سنی اتحاد کونسل کے رانا آفتاب واک آؤٹ کرگئے اس لیے انہیں کوئی ووٹ نہ ملا۔
وزیراعلی پنجاب کے انتخاب کے لیے پنجاب اسمبلی کااجلاس آج صبح گیارہ بجے طلب کیاگیاتھا۔ نومنتخب سپیکر ملک محمد احمد خان نے اجلاس کی صدارت کی۔مریم نوازکامقابلہ سنی اتحاد کونسل کے رہنماء رانا آفتاب کے ساتھ تھا۔ 327رکنی ایوان میں مسلم لیگ (ن) کو 224ووٹ اراکین کی حمایت حاصل ہے جبکہ وزیراعلی بننے کے لیے 186ووٹ درکارہیں۔سنی اتحاد کونسل کو 103ارکان کی حمایت حاصل ہے۔