’عوام کی روزی روٹی پر ڈاکا ڈالنے والے فارن ایجنٹ اسحاق ڈار سے استعفیٰ مانگ رہے ہیں‘

اسلام آباد:وفاقی وزير اطلاعات مریم اورنگزیب کا کہنا ہے کہ عوام کی روزی روٹی پر ڈاکا ڈالنے والے فارن ایجنٹ آج اسحاق ڈار سے استعفیٰ مانگ رہے ہیں۔
وائس چیئرمین پاکستان تحریک انصاف شاہ محمود قریشی نے ایک بیان میں کہا تھا کہ عالمی مالیاتی فنڈ (آئی ایم ایف) کو اسحاق ڈار پر یقین نہیں رہا، اسحاق ڈار کو چاہیے کہ فوری استعفیٰ دیں۔
شاہ محمود قریشی کے بیان پر ردعمل دیتے ہوئے مریم اورنگزیب کا کہنا تھا آئی ایم ایف سے سمجھوتا قریب ہونے کی خبر سنتے ہی ملک دشمنوں کا رونا شروع ہو گیا ہے، عوام کی روزی روٹی پر ڈاکا ڈالنے والے فارن ایجنٹ آج اسحاق ڈار سے استعفیٰ مانگ رہے ہیں
’وزیراعظم آم کی سیلز مین شپ میں لگے ہیں‘ بھارت امریکا اعلامیے پر شاہ محمود کا ردعمل
وفاقی وزیر کا کہنا تھا معاہدہ ہونے پر چیخنے والوں سے پوچھنا چاہیے کہ آپ نے آئی ایم ایف سے معاہدہ کیا کیوں تھا؟ آج معاہدے پر چیخنے والوں ںے ہی یہ معاہدہ کیا تھا، ان لوگوں نے خود معاہدہ توڑا اور ملک کو ڈیفالٹ کرنے کی سازش کی، اپنے ہی کیے آئی ایم ایف معاہدے کو بحال ہوتا دیکھ کر یہ لوگ آج رو کیوں رہے ہیں؟
(بشکریہ:جیو نیوز)