اسلام آباد کی احتساب عدالت نے این سی اے 190 ملین پاؤنڈ کیس میں بشریٰ بی بی کی درخواست ضمانت غیر مؤثر قرار دے دی۔
اسلام آباد کی احتساب عدالت نے این سی اے 190 ملین پاؤنڈ کیس کی سماعت کی جس سلسلے میں چیئرمین پی ٹی آئی عمران خان کی اہلیہ بشریٰ بی بی عدالت میں پیش ہوئیں۔
بشریٰ بی بی کی احتساب عدالت میں پیشی کے دوران عمران خان گاڑی میں بیٹھے رہے۔
دورانِ سماعت نیب پراسیکیوٹر نے بتایا کہ نہ نیب نے چھاپہ مارا، نہ حملہ کیا اور نہ بشریٰ بی بی کے وارنٹ جاری کیے گئے،بشریٰ بی بی کی گرفتاری درکار نہیں ،صرف تفتیش میں تعاون کریں۔
عدالت نے نیب پراسیکیوٹر کے مؤقف کے بعد بشریٰ بی بی کو جانے کی اجازت دے دی اور ان کی درخواست ضمانت کو بھی غیر مؤثر قرار دےدیا۔
(بشکریہ: جیو نیوز)
