ملتان ( اے پی پی) میٹھی عید کے پہلے روز نمازعید کے بعد شہر کی بیکریاں اورمٹھائی کی دکانیں خالی ہوگئیں۔ مٹھائی کی دکانوں اوربیکریوں کو بہت خوبصورتی سے سجایاگیاتھا اورعید کے لیے معمول سے زیادہ مٹھائیاں اورکیک تیارکیے گئے تھے۔
چاند رات کوہی مٹھائیوں کی دکانوں پر رش دیکھنے میں آیا۔ عید کے لیے خاص طورپر تیار کیے گئے کیک شہریوں کی توجہ کامرکزر ہے۔ پائن ایپل، چاکلیٹ چپ، کافی کرنچ اور آلمنڈ کیک کی مختلف ورائٹیاں دکانوں پر موجودتھیں۔ لوگوں کی بڑی تعداد نے مٹھائیاں اورکیک عزیز و اقارب میں تحائف کی صورت میں تقسیم کیے۔
