زویا ناصر کا تہلکہ خیز انکشاف، والدہ کو تین بار موٹروے سے اغوا کیا گیا

پاکستانی اداکارہ اور میک اپ آرٹسٹ زویا ناصر نے انکشاف کیا کہ ان کی والدہ کو تین بار موٹروے سے اغوا کیا جاچکا ہے۔
ایک انٹڑویو میں زویا نے کہا کہ مجھے موٹروے سے بہت ڈر لگتا ہے کیونکہ میری والدہ کو اُس وقت تین بار گاڑی سمیت موٹروے سے اغوا کیا گیا جب وہ ایم پی اے تھیں، ڈاکو انہیں گاڑی میں بٹھا کر سنسان علاقے میں لے جاتے تھے اور وہیں چھوڑ دیتے تھے جب کہ خوش قسمتی سے تینوں مرتبہ گاڑی بازیاب کرالی گئی۔
زویا نے بتایا کہ ایک روز شوٹنگ سے واپس آرہی تھی اور میں کراچی کے علاقے تین تلوار پر تھی جب کہ میرے ساتھ ساتھی اداکارہ تارہ محمود تھیں،اس دوران ہماری گاڑی ڈاکوؤں نے روک لی۔
اداکارہ نے کہا کہ ڈاکوؤں نے گاڑی کا دروازہ کھول کر سامان مانگا۔ مجھے اس وقت کچھ سمجھ نہیں آیا۔ میں گاڑی سے نکل کر بھاگی اور چیخنے لگی جو کہ بہت بیوقوفانہ عمل تھا۔ اس وقت اس ڈاکو کے پاس پستول نہیں تھی، اسی لیے میں بچ گئی۔
اداکارہ زویا ناصر کے والد ناصر ادیب معروف فلم رائٹر ہیں جبکہ ان کی والدہ آمنہ الفت سیاست دان ہیں جو 2008 ء میں پنجاب سے رکن صوبائی اسمبلی رہ چکی ہیں۔
(بشکریہ:حلیم نیوز)