قومی اسمبلی کے حلقہ این اے 193 راجن پور میں ضمنی انتخاب کے لیے پولنگ جاری ہے۔
این اے 193 راجن پور میں ضمنی انتخاب کے لیے پولنگ کا آغاز اپنے وقت پر صبح 8 بجے ہوا، ووٹرز شام 5 بجے تک حق رائے دہی استعمال کرسکیں گے۔
الیکشن کمیشن کی جانب سے حلقے میں ووٹنگ کے لیے 237 پولنگ اسٹیشن قائم کیے گئے ہیں، حلقے میں رجسٹرڈ ووٹرز کی تعداد 3 لاکھ 79 ہزار204 ہے، مرد ووٹرز کی تعداد 2 لاکھ 6 ہزار 495 ہے جب کہ خواتین ووٹرز کی تعداد 1 لاکھ 72 ہزار 709 ہے۔
الیکشن میں ن لیگ کے عمار اویس لغاری، پیپلزپارٹی کے اختر حسن گور چانی اور پی ٹی آئی کے محسن لغاری سمیت 11 امیدواروں کے درمیان مقابلہ ہے۔
حساس پولنگ اسٹیشنز کی سی سی ٹی وی کیمروں اور دیگر جدید آلات سے مانیٹرنگ کی جا رہی ہے، ممکنہ ناخوشگوار واقعے سے نمٹنےکے لیے پولیس، ایلیٹ فورس، رینجرز اور فوج کی خدمات طلب کی گئی ہیں۔
الیکشن کمیشن کا کہنا ہےکہ ضابطہ اخلاق کی خلاف ورزی یا انتخابی عمل میں خلل ڈالنے پر سختی سے نمٹا جائےگا۔
خیال رہے کہ یہ نشست پی ٹی آئی کے ایم این اے سردار جعفر لغاری کے انتقال پر خالی ہوئی تھی۔
(بشکریہ: جیو نیوز)
Previous Articleیاسر پیرزادہ کا مکمل کالم:پچاس روپے کا سفر
Next Article بارکھان میں دھماکے سے 3 افراد جاں بحق، 8 زخمی