ملتان۔یکم دسمبر (اے پی پی):سابق وزیراعظم اور نامور بلوچ رہنمامیر ظفراللہ خان جمالی کی دوسری برسی کل ( 2دسمبر ) منائی جائے گی۔
ظفراللہ خان جمالی نے پاکستان کے 15ویں وزیراعظم کی حیثیت سے خدمات انجام دیں۔ وہ ذوالفقارعلی بھٹو کے دور میں وفاقی وزیر کے منصب پربھی فائز رہے۔ ظفراللہ خان جمالی 1977میں ایم پی اے منتخب ہوئے اور صوبائی وزیر خوراک واطلاعات تعینات کیے گئے۔ وہ 1982میں خوراک و زراعت کے وزیرمملکت رہے۔ 1986میں پانی و بجلی کے وزیر اور بعدازاں جونیجو حکومت کی برطرفی کے بعد وزیرریلوے تعینات کیے گئے۔ وہ 1988میں بلوچستان کے نگران وزیراعلی کے منصب پربھی فائز رہے۔ 2دسمبر 2020میں ان کا انتقال ہوا اورانہیں ان کے آبائی علاقے روجھان جمالی میں سپردخاک کیاگیا۔
