توشہ خانہ سیکنڈل سنگین ہوگیا،عمران خان نے دو گھڑیاں اور بھی بیچیں،تفصیل منظر عام پر

اسلام آباد:عمران خان کی مزید دو گھڑیاں بیچنے کی تفصیلات سامنے آگئیں۔نومبر 2018 میں یہ دونوں گھڑیاں بھی کیش میں بیچی گئیں اور اُسی دن توشہ خانہ کو کیش میں ادائیگی کی گئی۔ایک نجی ٹی وی کی رپورٹ کے مطابق فواد اور ذلفی پھر جھوٹے ثابت، دبئی کے گھڑیوں کے ڈیلر نے بھانڈا پھوڑ دیا۔ایک دفعہ پھر سوال اٹھ گیا کہ عمران خان نے دو مزید گھڑیاں پہلے کیش میں بیچیں اور پھر حکومت کو اس رقم کا صرف 20 فیصد کی ادائیگی کی۔
نومبر 2018 میں یہ دونوں گھڑیاں بھی کیش میں بیچی گئیں اور اُسی دن توشہ خانہ کو کیش میں ادائیگی کی گئی۔ پھر توشہ خانہ میں عمران خان نے جو دستاویز جمع کروائی ہیں، اُن میں ایک بار پھر ہاتھ سے لکھی ہوئی اسلام آباد کی اُسی چھوٹی سی دکان کی رسید دکھائی گئی ہے۔عمران خان نے ایک گھڑی کی قیمت توشہ خانہ سے 38 لاکھ روپے لگوائی اور اُسی دن 52 لاکھ روپے کیش میں بیچ دی۔ دوسری گھڑی کی مالیت 15 لاکھ روپے لگوائی اور اسی دن 18 لاکھ روپے کیش میں بیچ دی۔
یعنی عمران خان نے مارکیٹ میں 70 لاکھ روپے کی دو گھڑیاں بیچیں، دونوں گھڑیوں کے عوض صرف 10 لاکھ 48 ہزار روپے قومی خزانے میں جمع کرائے اور باقی ساڑھے 59 لاکھ روپے جیب میں رکھ لئے۔

بشکریہ جیو نیوز