بغیر بجلی والے گھر میں رہنے والا سردار عثمان وزیر اعلیٰ پنجاب نامزد

پاکستان تحریک انصاف (پی ٹی آئی) نے وزیر اعلیٰ پنجاب کے لیے سردار عثمان بزدار کو نامزد کردیاچیئر مین تحریک انصاف عمران خان نے سماجی رابطے کی ویب سائٹ ٹوئٹر پر بیان جاری کرتے ہوئے ان کی نامزدگی کی خبر دی۔عمران خان نے اپنے بیان میں سردار عثمان کی نامزدگی کی وجہ بتاتے ہوئے کہا کہ سردار عثمان کا تعلق پنجاب کے پسماندہ علاقے سے ہے جہاں نہ پانی ہے نہ بجلی۔ان کا کہنا تھا کہ سردار عثمان کے گھر میں خود بھی بجلی نہیں ہے، وہ جانتے ہیں کہ غربت میں رہنا کیا ہوتا ہے۔انہوں نے امید کا اظہار کیا کہ سردار عثمان بہترین کارکردگی دکھاتے ہوئے پنجاب کے حالات بدل دیں گے۔واضح رہے کہ عثمان بزدار پی پی 286 ڈی جی خان سے رکن پنجاب اسمبلی منتخب ہوئے ہیں۔