جب انسان ترقی کی بلندی پر ہوتا ہے تو وہ اندھا اور بہرہ ہوتا ہے صرف زبان اس کی ہوتی ہے۔ اب عمران کی آنکھوں اور کانوں نے کیا گُل کھلائے ذرا پڑھیے۔۔یاد ہے نا۔۔ پاکستان میں کرپشن ،اقرباء پروری،میرٹ کی تضحیک،پیسے کی ہوس،قبضہ مافیا کےخلاف جنگ لڑنے کا نعرہ پچھلے بائیس سال سےصرف عمران خاننے لگایا عمران خان کی مسلسل انتھک جدوجہد کی وجہ سے آج یہ تاثر قائم ہوچلاکہ تحریک انصاف آئندہ حکومت کی اکلوتی وارث ہوگی،اب یہ گمان حقیقت کاروپ دھارتا ہے یا خواب چکنا چُور ہوتا ہےاس کے لیے 25 جولائی تک انتظارکریں۔۔لیکن ٹکٹوں کی تقسیم کے معاملے نےتحریکی قیادت اور کپتان پر انگلیاں اُٹھا دیں!! میں آج دوٹکٹوں کے حوالے سے حقائق آپ کے سامنے رکھتا ہوں ۔
سب سے پہلے عون چوہدری کو ہی لے لیں موصوف کے بھائی امین چوہدری کو پی پی 170لاہور سے ٹکٹ جاری کیا گیا یہ وہ صاحب ہیں جو بلدیاتی الیکشن میں یوسی ناظم کا الیکشن ہار چکے ہیں اب نجانےسروے اورمیرٹ میں کیسے اوپر آیا؟ ارباب شہزادتحریک انصاف کےالیکشن سیل کےانچارج نے این اے 30 سے اپنے بھتیجے شیرعلی ارباب کوٹکٹ دلوایا جبکہ وہاں سابق ایم این اےحامد الحق تھے؟عون اور ارباب ٹکٹوں کےمعاملےمیں کپتان کی آنکھ اورکان کا کام کررہےہیں اگر ان کا یہ حال ہےتو باقی سب کا بے حال ہونا اچنھبے کی بات نہیں!کیوں۔۔؟؟
