9محرم الحرام کامرکزی جلوس منگل کے روز ممتاز آباد سے برآمدہوگا،سکیورٹی کے سخت انتظامات

ملتان میں 9محرم الحرام کامرکزی جلوس کل منگل کے روز قدیمی امام بارگاہ ممتاز آباد سے برآمدہوگا ۔جلوس اپنے روایتی راستوں سے ہوتاہوا شام کے وقت اسی امام بارگاہ پراختتام پذیر ہوگا جس کے بعد مجلس شب عاشور منعقد ہوگی ۔ملتان میں مجموعی طورپر9محرم کے 80جلوس برآمد ہوں گے جبکہ 166مجالس عزاءمنعقد ہوں گی ۔ان میں سے 9جلوسوں اور35مجالس کو حساس قراردیاگیاہے ۔ملتان پولیس کی جانب سے 9محرم کاسکیورٹی پلان جاری کردیاگیاہے ۔سکیورٹی کوفول پروف بنانے کے لئے 1936افسر واہلکار تعینات کئے جائیں گے جبکہ 1900سے زیادہ رضاکار بھی فرائض انجام دیں گے ۔اس کے علاوہ ایلیٹ فورس ،ڈولفن فورس اورمحافظ سکواڈ کی ٹیمیں بھی علااقوں میں گشت کریں گی ۔ترجمان ملتان پولیس کے مطابق عوام کے جان ومال کے تحفظ اورامن وامان کویقینی بنایاجائے گا۔