آئی سی سی چیمپئینز ٹرافی کے چوتھے میچ میں انگلینڈ نے آسٹریلیا کو وکٹوں سے شکست دے دی۔
لاہور کے قذافی اسٹیڈیم میں کھیلے گئے میچ میں آسٹریلیا نے 352 رنز کا ہدف 5 وکٹوں کے نقصان پر 48 ویں اوور میں حاصل کیا۔
آسٹریلیا کی جانب سے وکٹ کیپر بیٹر جوش انگلس نے شاندار بلے بازی کا مظاہرہ کیا اور 86 گیندوں میں 120 رنز ناٹ آؤٹ اسکور کر کے ٹیم کی فتح میں کلیدی کردار ادا کیا۔
ایلکس کیرے 69، میتھیو شارٹ 63، مارنس لبوشین 47، ٹریوس ہیڈ 6 اور کپتان اسٹیو اسمتھ 5 رنز بنا کر آؤٹ ہوئے۔
گلین میکسویل 32 رنز بنا کر ناٹ آؤٹ پویلین لوٹے۔
انگلینڈ کی جانب سے عادل راشد، لیام لونگسٹن، مارک ووڈ، جوفرا آرچر اور برائڈن کارس نے 1، 1 وکٹ حاصل کی۔
جارہے میچ میں آسٹریلیا کی دعوت پر پہلے بیٹنگ کرتے ہوئے انگلینڈ نے 50 اوورز میں 8 وکٹوں کے نقصان پر 351 رنز اسکور کیے۔
انگلینڈ کی جانب سے اوپنر بین ڈکٹ 165 رنز کی شاندار اننگز کھیل کر نمایاں رہے۔ جو روٹ 68، کپتان جوس بٹلر 23، جیمی اسمت 15، لیام لونگسٹن 14، فل سالٹ 10، برائڈن کارس 8 اور ہیری بروک 3 رنز بنا کر آؤٹ ہوئے۔
جوفرا آرچر 21 اور عادل راشد 1 رن بنا کر ناٹ آؤٹ پویلین لوٹے۔
آسٹریلیا کی جانب سے بین ڈوارہوس نے 3 جبکہ ایڈم زیمپا اور مارنس لبوشین نے 2، 2 اور گلین میکسویل نے 1 وکٹ حاصل کی۔
(بشکریہ:ایکسپریس نیوز)
