تونسہ شریف : سپورٹس سٹیڈیم میں مفت آٹے کی تقسیم روکنے پر عمران خان کی حامی خواتین نے اسسٹنٹ کمشنر پر حملہ کر دیا ۔ نئے تعینات اے سی تونسہ عامر خان جلبانی سے بداخلاقی کی گئی اور ان کی واسکٹ اتار کر چھین لی گئی
واسکٹ اتارنے کے بعد خاتون اسے ہوا میں لہرانے لگی اور عمران خان زندہ باد کے نعرے بھی لگائے ۔ اسسٹنٹ کمشنر کے گارڈ نے خاتون سے واسکٹ واپس لینے کی کوشش کی تو خاتون نے واسکٹ دینے سے انکار کر دیا جس کے بعد خواتین نے گارڈ پر بھی حملہ کر دیا ۔ا سسٹنٹ کمشنر تونسہ نے کار بھگا کر نکلنے کی کوشش کی تو لوگوں نے گاڑی پر حملہ کردیا۔اور گاڑی پر مکے مارنے شروع کردئے ۔ گارڈز نے اے سی کو بچانے کی کوشش کی جس کے بعد ڈرائیور کار بھگانے میں کامیاب ہو گیا ۔ بعد ازاں پولیس کی بھاری نفری سپورٹس سٹیڈیم پہنچ گئی اور لوگوں کو سٹیڈیم سے نکال دیا گیا
