شاہ محمود اور فواد چوہدری پر پیپلز پارٹی کے دروازے بند : آصف زرداری کا واپس لینے سے انکار

ملتان : سابق وزیر خارجہ اور پاکستان تحریک انصاف کے وائس چیئرمین مخدوم شاہ محمود قریشی کی پاکستان پیپلز پارٹی میں شمولیت کی خبروں پر پارٹی کے کارکنوں کی جانب سے شدید ردِ عمل سامنے آیا ہے جس کے بعد پارٹی کے سربراہ اور سابق صدر آصف علی زرداری نے انہیں پارٹی میں واپس لینے سے انکار کر دیا ۔
پاکستان پیپلز پارٹی کے ذرائع نے پارٹی میں شاہ محمود قریشی کی شمولیت کی تردید کی ہے ۔ پاکستان پیپلز پارٹی کے ذرائع کا کہنا ہے کہ سابق وزیر خارجہ شاہ محمود قریشی اور سابق وزیر اطلاعات فواد چوہدری کی جانب سے سابق صدر آصف علی زرداری اور دیگر رہنماؤں سے رابطے کیے گئے تاہم ہم پارٹی کارکنوں نے اس پر شدید ردعمل کا اظہار کیا گیا۔
ذرائع کا کہنا ہے کہ سابق وزیر خارجہ کو پاکستان تحریک انصاف کے اندر بھی مخالفت کا سامنا ہے اس کے علاوہ وہ 17 جولائی کو ہونے والے ضمنی الیکشن میں اپنے بیٹے کی سیٹ کے لیے بھی فکر مند ہیں اور ذرائع کے مطابق پاکستان پیپلز پارٹی کے ساتھ ان کے روابط بھی اسی سلسلے کی کڑی ہیں تاہم ابھی انہیں کسی قسم کی کامیابی نہیں ہوئی ذرائع کا یہ بھی کہنا ہے کہ مقتدر حلقوں نے انہیں پی پی میں شمولیت کی اجازت بھی دے دی تھی اور ان سے کہا تھا کہ اگر پارٹی آپ کو قبول کرتی ہے تو ہمیں اس پر اعتراض نہیں ہوگا ۔