لاہور:سینئر اداکارہ روبینہ اشرف اداکاری کی دنیا میں ایک نمایا ں مقام رکھتی ہیں لیکن کیا آپ کو معلوم ہے کہ انہوں نے ڈگری گرافک ڈیزائنگ میں مکمل کی تھی۔
ایک انٹرویو کے دوران اداکارہ سے سوال کیا گیا کہ ‘آپ نے گرافک ڈیزائنگ میں ڈگری لی، اپنی تعلیم سے کس حد تک استفادہ کیا ؟
روبینہ اشرف کا کہنا تھا کہ تعلیم سے استفادہ تو ایک غیر شعوری ہوتا ہے۔ ایسا نہیں ہے کہ اگر کسی شخص نے میڈیا سائنس یا کسی اور شعبے میں ڈگری حاصل کی ہے تو جب وہ اپنے شعبے میں کام کرے گا تو ہی تعلیم اس کو فائدہ پہنچائے گی ،بلکہ وہ کسی بھی شعبے میں جائے گا تعلیم اس کو فائدہ دے گی۔
انہوں نے کہا کہ ایک ڈاکٹر لڑکی جو ہاؤس وائف ہے تو کیا وہ اپنی تعلیم کو ڈبے میں بند کرکے رکھ دیتی ہے، جو تعلیم دماغ میں چلی گئی ہے وہ کسی کونے میں پڑی نہیں رہتی بلکہ کہیں نہ کہیں استعمال ہوتی رہتی ہے۔
شادی ارینج تھی اس لیے کام کی اجازت پہلے ہی لے لی تھی، روبینہ اشرف
انہوں نے کہا کہ میں نے گرافک ڈیزائنگ کو کیرئیر کے طور پر نہیں اپنایا لیکن اس سے استفادہ اب تک کررہی ہوں۔
روبینہ اشرف کا کہنا تھا کہ گرافک ڈیزائنگ بھی ایک آرٹ ہے اور جس شعبے میں، میں آج ہوں وہ بھی آرٹ کی ایک قسم ہے ۔ میری ڈریسنگ ،اُٹھنے بیٹھنے کے انداز، گھر میں ،زندگی میں ہر جگہ میری تعلیم کی جھلک نظر آتی ہے۔
جب ان سے پوچھا گیا کہ وہ شادی کے بعد کافی عرصے اسکرین سے غائب رہیں، اس کی وجہ کیا سسرال یا شوہر کی جانب سے ڈراموں میں کام کرنے پر پابندی تھی یا گھریلو مصروفیات آڑے آئیں؟
روبینہ اشرف کی ٹیلی ویژن پر آنے سے پہلے زندگی کیسی تھی؟
روبینہ اشرف نے کہا کہ بطور اداکارہ اپنے کیرئیر کا آغاز1982ء میں کیا اور 1987 ء میں میری شادی ہوئی۔ شادی کے بعد بہ مشکل ایک سال میں نے کام سے وقفہ لیا ۔
اداکارہ کا کہنا تھا کہ بعدازاں جب بھی مجھے کسی ڈرامے میں کام کرنے کی آفرہوئی ،میں نے وہ کیا۔
انہوں نے کہا کہ 1988ء میں کراچی سے میرا ڈرامہ آن ائیر تھا ،جب سے آج تک کام کررہی ہوں۔
(بشکریہ:ہنگامہ ایکسپریس)
