تم کون ہو؟ میں اس چیز سے سوال کرتا ہوں۔
” میں تمہاری صلاحیت ہوں تمہاری شاعری ہوں“۔
”تم کہاں سے آرہی ہو؟“
”میں ہر جگہ حاضر و ناظر ہوں“۔
” نہیں تمہاری عمر کیا ہے؟ کیا تم میری ہم سن ہو؟“۔
”نہیں ۔ میری عمر ایک لمحہ بھی ہے اور ایک ہزار صد یاں بھی۔ مجھ میں بچوں کی سادگی ،کڑیل جوان کی جذباتیت اور بوڑھے انسان کی دانش مندی ساری چیزیں جمع ہوگئی ہوں ۔ زمان و مکان کا اطلاق مجھ پر نہیں ہوتا۔ میں ایسی آگ ہوں جسے کوئی چیز بجھا نہیں سکتی۔ میں ایسا گیت ہوں جسے کوئی اختتام تک نہیں لا سکتا۔ میں ایسی پرواز ہوں جسے کوئی مکمل نہیں کر سکتا۔ میں تم سے بہت دور ہوں مگر تمہارے اندر رہتی ہوں۔ میرا حاصل ہونا سر ما یہ مسرت و انبساط ہے، مگر انتہائی کربناک بھی ۔ دنیامیں کوئی چیز ایسی نہیں جومجھے سے آسان ہو یا مجھ سے مشکل ہو۔“
( ” میرا داغستان“ سے انتخاب )
