رات گئے مبینہ مقابلہ : دو ڈاکو اپنے ہی ساتھیوں کی فائرنگ سے مارے گئے۔ ملتان پولیس

ملتان:مخدوم رشیدکے علاقے میں رات گئے مبینہ مقابلے میں زیرحراست دو ڈاکو اپنے ہی ساتھیوں کی فائرنگ سے مارے گئے۔
پولیس ترجمان کے مطابق مخدوم رشید پولیس زیرحراست ملزمان ساجد عرف سجو اور ندیم کو راہزنی اور قتل میں مقدمے میں برآمدگی کے بعد واپس لے جارہی تھی کہ 18کسی لنک روڈ پرنامعلوم افراد نے اپنے ساتھیوں کو چھڑانے کے لیے پولیس پر فائرنگ کردی ۔پولیس نے بھی جوابی فائرنگ کی ۔فائرنگ کاتبادلہ کافی دیر تک جاری رہا۔حملہ وار رات کی تاریکی کافائدہ اٹھاتے ہوئے ہوئے فرارہوگئے ۔فائرنگ کے نتیجے میں زیرحراست ملزمان ساجد اورندیم اپنے ہی ساتھیوں کی فائرنگ کی زد میں آکر ہلاک ہوگئے۔ پولیس نے علاقے کی ناکہ بندی کروا کر ملزمان کی گرفتاری کے لیے کارروائی شروع کردی۔
ہلاک ہونے والے ملزمان نے گزشتہ ماہ 18 کسی بدھلہ روڈ پر چائے کے ہوٹل پر واردات کے دوران ہوٹل کے مالک شکیل کو مزاحمت پر بے دردی سے قتل کر دیا تھا جبکہ اس کے بھائی شفیق اور ملازم صابر 02 افراد کو فائرنگ سے زخمی کر دیا تھا اور موقع سے موٹر سائیکل 125، نقدی اور دیگر سامان لوٹ کر فرار ہو گئے تھے ۔ہلاک ہونے والے ملزمان نے کراچی، حیدر آباد، رحیم یار اور پنجاب کے متعدد تھانوں میں دوران واردات قتل، ڈکیتی، راہزنی سمیت 72 مقدمات کا انکشاف کر چکے ہیں ۔
وقوعہ کی اطلاع پر ایس پی صدر ڈویژن شمس الدین، ڈی ایس پی مخدوم رشید نعیم عباس سمیت دیگر افسران موقع پر پہنچ گئے