پاک فوج نے قوم کا سر فخر سے بلند کر دیا : گیلے وال میں یوم فتح پر تقریب

گیلے وال : پاک فوج نے بھارت کو ناکوں چنے چبوا کر ہمارے سر فخر سے بلند کر دیئے ہیں ۔ چیف آف آرمی سٹاف عاصم منیر نے اسلام کے سپاہی کی حیثیت سے قوم کا سر فخر سے بلند کر دیا ہے ۔ پاک فوج نے بھارت کو جس طرح جواب دیا اسے ہم خراج تحسین پیش کرتے ہیں ان خیالات کا اظہار جامعہ دارالعلوم گیلے وال میں افواج پاکستان کو خراج عقیدت پیش کرنے کیلئے منعقدہ خوبصورت پروقار تقریب میں کیا گیا ، تقریب میں تمام مکاتب فکر کے علماء کرام مشائخ اور خطیب صاحبانت کے علاوہ اداروں کے ذمّہ داران بھی شریک ہوئے اور مختلف حضرات نے شرکت کی َ ۔
تقریب میں افواج پاکستان کو خراج عقیدت پیش کرتے ہوئے پاکستان کی اہمیت کو عوام الناس کے سامنے اجاگر کیا گیا ۔ اس موقع پر مولانا عبد السمیع ، قاری محمد شکیل مہروی ، قاری محمد ایمان بن طارق ، مولانا شفیق الرحمن جانباز ، مولانا قاری محمد صفی اللّٰہ ارشد اور مدرسہ کے شیخ الحدیث مولانا محمد اعجاز صاحب نے خطاب کیا ۔ مدرسہ کے طلباء نے ملی نغمے اور ترانے بھی پیش کئے