نئی دہلی: بھارت سے تعلق رکھنے والے عالمی شہریافتہ صحافی اور مصنف کلدیپ نائر طویل علالت کے بعد 95 برس کی عمر میں انتقال کرگئے۔دی ہندو میں شائع رپورٹ کے مطابق کلدیپ نائر سیالکوٹ میں 1923 میں پیدا ہوئے تھے۔اس حوالے سے بتایا گیا کہ ان کا انتقال جمعرات کی صبح نئی دہلی کے اسپتال میں ہوا۔کلدیپ نائر وہ پہلے صحافی تھے جنہیں بھارت میں ایمرجنسی نافذ کرنے کے بعد پابند سلاسل کردیا گیا تھا اور انہیں صحافت کی خدمات پر 2015 میں ‘لائیو ٹائم اچیومنٹ ایوارڈ’ سے نوازا گیا۔مرحوم پاکستان اور بھارت کے مابین پر امن تعلقات کے خواہاں تھے، انہوں نے اپنی سوانح حیات میں پاکستانی جوہری سیاستدان ڈاکٹرعبدالقدیر سے انٹرویو کا احوال لکھا تھا کہ ’پاکستان کی جانب سے جوہری دھماکے سے بہت پہلے ہی جوہری ہتھیار تھے‘۔انہوں نے بطور صحافی بھارت میں انسانی حقوق کی خلاف ورزی سے متعلق متعدد تحریریں لکھی۔کلدیپ نائر برطانیہ میں 1990 کے درمیانی عرصے میں بھارت کے ہائی کمشنر بھی رہ چکے تھے جبکہ انہیں بھارتی ایوانِ بالا کے رکن کے طور پر بھی نامزد کیا گیا تھا۔دوسری جانب بھارتی وزیراعظم نریندر مودی نے بھی کلدیپ نائر کی موت پر افسوس کا اظہار کیا۔کلدیپ نائر نے 15 سے زائد کتب کے مصنف تھے جن میں قابل ذکر تصانیف ‘انڈیا آفٹر نہرو’، ‘ایمرجنگ ری ٹولڈ’ اور ‘بیونڈ دی لائنز’ شامل ہیں۔
