ٹی ٹوئنٹی فائنل: پاکستان نے آسٹریلیا کو چھ وکٹوں سے ہرا دیا

ہرارے : زمبابوے کے ہرارے سپورٹس کلب میں سہ فریقی ٹی ٹوئنٹی ٹورنامنٹ کے فائنل میں پاکستان نے آسٹریلیا کو 2 وکٹوں سے شکست دے دی ہے۔آسٹریلیا کے کپتان آیرون فنچ نے پاکستان کے خلاف ٹاس جیت کر پہلے بیٹنگ کا فیصلہ کیا اور فیصلہ کن میچ میں پاکستان کو جیت کے لیے 184 رنز کا ہدف دیا تھا۔پاکستانی اننگز کو مستحکم کرنے والے بلے باز اوپنر فخر زمان تھے جنھوں نے پاکستانی سکور کو رکنے نہیں دیا اور متواتر جاریحانہ کھیل پیش کرتے رہے۔ وہ 91 رنز بنا کر آؤٹ ہوئے۔اس سے قبل آسٹریلیا نے اپنی اننگز میں آٹھ وکٹوں کے نقصان پر 183 رنز بنائے جس میں اوپنر ڈارسی شارٹ نے سب سے نمایاں بیٹنگ کی اور 76 رنز بنائے۔آسٹریلوی کپتان آیرون فنچ نے جارحانہ بیٹنگ کرتے ہوئے 47 رنز بنائے جب دسویں اوور میں شاداب خان نے ان کو کیچ آؤٹ کر دیا۔ پہلی وکٹ کی شراکت میں انھوں نے شارٹ کے ساتھ 96 رنز بنائے۔اس میچ کے لیے پاکستان نے اوپنر حارث سہیل کی جگہ صاحبزادہ فرحان کو جگہ دی ہے جبکہ آسٹریلیا کی جانب سے ڈارسی شارٹ ٹیم میں واپس آئے ہیں۔گروپ میچوں میں دونوں ٹیموں نے ایک دوسرے کے خلاف ایک ایک جیت حاصل کی تھی اور میزبان زمبابوے کو دونوں میچوں میں شکست دی تھی۔