جوہانسبرگ:جنوبی افریقا کرکٹ ٹیم آسٹریلیا کیخلاف 3 میچز کی ٹی 20 سیریز کا پہلا میچ 107 رنز کے بھاری مارجن سے ہارگئی۔197 رنز کے تعاقب میں پروٹیز بلے باز 15 ویں اوور میں 89 پر ڈھیر ہوگئے. آشٹن اگر ہیٹ ٹرک سمیت 5 وکٹ لیکر مرد میدان قرار پائے.جوہانسبرگ میں جمعہ کی شام کھیلے گئے میچ میں مہمان ٹیم نے 6 وکٹ پر 196 رنز بنائے.سٹیون سمتھ45 رنز کیسا تھ نمایاں رہے.تبریز شمسی اور ڈیل اسٹین نے 2،وکٹیں لیں.کپتان ایرون فنچ 42 کے ساتھ دوسرے ٹاپ سکور ر تھے.ہدف کے تعاقب میں پروٹیز نے 7 وکٹیں 44 پر ہی کھو کر ہتھیار پھینک دیئے اسی سکور پر انہوں نے ڈوپلیسی، فلکوایو اور سٹین کو آوٹ کرکے ہیٹ ٹرک کی.وہ ٹی 20 انٹرنیشنل میں یہ کارنامہ سر انجام دینے والے آسٹریلیا کے بریٹ لی کے بعد دوسرے کھلاڑی ہیں جبکہ انٹرنیشنل ٹی 20 کی یہ 12 ویں ہیٹ ٹرک تھی.پروٹیز 14 اوور ز 3 گیندوں پر 89 پر آوٹ ہوگئے.یہ انکا اس فارمیٹ میں کم اسکور بھی تھا جبکہ اسے 107 کے بھاری مارجن کی ریکارڈ شکست بھی ہوئی.واضح رہے کہ ٹی 20 انٹر نیشنل میں یہ جنوبی افریقہ کا کم ترین اسکور اور رنز کے اعتبار سے اب تک کی ریکارڈ بڑی شکست بھی ہے.
