ملتان :نامورلوک گلوکارہ نسیم سیمی سوموارکی شام طویل علالت کے بعد انتقال کر گئیں ۔ان کی عمر48برس تھی اوروہ گزشتہ کئی روز سے شدیدبیمارتھیں۔انہیں تشویشناک حالت میں شجاعباد سے نشترہسپتال منتقل کیاگیاتھا نسیم سیمی نے سرائیکی کے بہت سے گیتوں کو شہرت دوام بخشی ۔وہ دل اورسانس کے عارضہ سمیت مختلف طبی مسائل سے دوچارتھیں ۔نسیم سیمی کاتعلق شجاعبادکے مشہور علاقہ بستی مٹوٹلی سے تھا۔انہوں نے ریڈیوپاکستان ملتان سے اپنے فنی سفرکاآغازکیا اوردوہڑوں اورماہیوں کے ذریعے بے پناہ شہرت حاصل کی ۔نسیم سیمی کے بہت سے گیت زبان زدعام تھے جن میں ”واہ واہ جوپیارکیتوای ،رول ڈتوای “ان کی پہچان بن گیاتھا۔مرحومہ کی تدفین ان کے آبائی گاﺅں مٹوٹلی میں ہوگی۔
