ملتان : پی پی 2018 سے پاکستان تحریک انصاف کے رکن صوبائی اسمبلی ملک مظہر عباس راں بدھ کے روز انتقال کرگئے۔ ان کی عمر65برس تھی۔ملک مظہر عباس راں کاشمار ملتان کے ان سیاستدانوں میں ہوتا تھا جنہوں نے طویل عر صہ عوام کی نمائندگی کی۔وہ یکم فروری1953ءکو ملتان میں پیداہوئے۔1978ءمیںگورنمنٹ ایمرسن کالج سے بی اے کیا۔ مظہرعباس راں نے پاکستان پیپلزپارٹی سے اپنے سیاسی کیریئر کا آغاز کیا۔1988ءکے عام انتخابات میں وہ پی پی 166سے امیدوارتھے۔ تاہم ان کے مدمقابل شاہ محمود قریشی نے انہیں ہارادیا۔اسی حلقے سے 1990ءکے انتخابات میں وہ پی ڈی اے کے امیدوارتھے۔اس مرتبہ بھی انہیں مخدوم شاہ محمودقریشی نے ہارادیا۔پہلی مرتبہ وہ 1997ءکے الیکشن میں مسلم لیگ(ن) کے ٹکٹ سے صوبائی اسمبلی کے رکن منتخب ہوئے۔2002ءکے انتخابات میںنئی حلقہ بندی کے بعد پی پی201سے وہ دوبارہ مسلم لیگ(ن) کے امیدوارتھے تاہم ا نہیں پی پی پی کے امیدوار ملک ارشد راں نے ہرادیا۔اسی حلقے سے 2008ءکے ا نتخابات میں وہ مسلم لیگ(ق)کے امیدوار بنے اورانہیں پی پی پی کے عباس راں نے شکست دی۔مسلم لیگ(ن) کے امیدوار کی حیثیت سے 2013ءکے الیکشن میں حصہ لیا اور پی پی پی کے امیدوارمرید حسین قریشی کو شکست دی۔2018 ءکے انتخابات میں یہی حلقہ پی پی218 قرارپایا اوریہاں سے پاکستان تحریک انصاف کے ٹکٹ پر رکن صوبائی اسمبلی منتخب ہوئے۔گزشتہ روز لاہور میں طبعیت خراب ہونے پر انہیں ہسپتال منتقل کیاگیا جہاں وہ جانبر نہ ہوسکے۔ان کی میت آج لاہور سے ان کے آبائی علاقے قادرپورراں لائی جائے گی۔
