ملتان (اے پی پی):سال 2022ءکاسورج اپنی تمام تلخ اورخوشگواریادوں کے ساتھ آج غروب ہوجائے گااورنئے سال کاسورج نئی امنگوں اورامیدوں کے ساتھ اتوارکی صبح طلوع ہوگا۔نئے سال کے استقبال کے لئے مختلف تقریبات کااہتمام کیاگیاہے جبکہ نیوایئرنائٹ پرہلڑبازی کی روک تھام کے لئے بھی پولیس اورانتظامیہ نے خصوصی انتظامات کئے ہیں ۔
اس حوالے سے ریسکیو 1122کاخصوصی اجلاس ڈسٹرکٹ ایمرجنسی آفیسر ڈاکٹرکلیم اللہ کی صدارت میں منعقدہوا جس میں نیوایئرنائٹ کے موقع پرریسکیوکی ٹیموں کوالرٹ رکھنےاوردیگرانتظامات پرغورکیاگیا۔اس حوالے سے شہرکے مختلف مقامات پرریسکیوکی ٹیمیں الرٹ رہیں گی۔دو سری جانب سی پی اوملتان شاکرحسین داوڑکی ہدایت پرپولیس نے بھی سال نوکی شب امن وامان برقراررکھیں اورہلڑبازی،ون ویلنگ کی روک تھام کےلئے خصو صی انتظامات کئےہیں ۔اس موقع پرملتان کینٹ سمیت شہرکے مختلف علاقوں میں محافظ سکواڈ اورڈولفن فورس کی ٹیمیں گشت کریں گی ۔
