پشاور / اسلام آباد : گردوپیش نیوز ۔۔ باوثوق ذرائع کے مطابق سابق کور کمانڈر جنرل (ر) احسان الحق کو صوبہ خیبر پختونخوا کا نیا گورنر بنائے جانے کا امکان ہے۔ اس سلسلے میں موجودہ سیاسی سیٹ اپ کے تحت پاکستان پیپلز پارٹی (PPP) سے تعلق رکھنے والے موجودہ گورنر فضل کریم کنڈی کو ہٹانے کے لیے صدر مملکت آصف علی زرداری سے گفتگو اور مشاورت کا سلسلہ جاری ہے۔
پاک فوج سے تعلق رکھنے والے ’سیویئر آف پاکستان‘ کے ڈپٹی چیئرمین فیڈرل مرزا نوید بیگ اور واجد علی (انفارمیشن سیکرٹری کراچی ڈویژن) کی جانب سے جنرل (ر) احسان الحق کے لیے خیر سگالی کے جذبات کا اظہار کرتے ہوئے انہیں پیشگی مبارکباد بھی دی گئی ہے۔ انہوں نے دعا کی کہ اللہ تعالیٰ ان کو مزید عزت و کامیابی عطا فرمائے اور ملک و قوم کی ترقی، امن اور استحکام کا باعث بنائے۔
سیاسی و انتظامی حلقوں میں اس ممکنہ تبدیلی کو خیبر پختونخوا کی مجموعی صورتحال اور صوبے میں گورنر راج کے تناظر میں انتہائی اہم قرار دیا جا رہا ہے۔
