ابو ظہبی : ملتان سلطانز نے پشاور زلمی کو 48 رنز سے ہرا کر پہلی بار پی ایس ایل کا تاج اپنے سر پر سجا لیا ۔ ملتان سلطانز نے پشاور زلمی کو مکمل طور پر بے بس کر کے ٹرافی اپنے نام کر لی
ابوظہبی میں جاری پاکستان سپر لیگ 6 کے فائنل میں پشاور زلمی نے ٹاس جیت کر پہلے ملتان سلطانز کو بیٹنگ کی دعوت دی۔ ملتان نے مقررہ 20 اوورز میں چار وکٹوں کے نقصان پر 206 رنز بنائے۔
ملتان سلطانز کے اوپنرز شان مسعود اور محمد رضوان نے مل کر ساتویں اوور میں اپنی ٹیم کے لیے نصف سنچری مکمل کی اور ذمہ درانہ بیٹنگ کرتے ہوئے سکور کو 68 تک پہنچایا۔لیکن شان مسعود زلمی کے باؤلر محمد عمران کی ایک آہستہ گیند پر رنز بنا کر بولڈ ہو گئے جس کے بعد محمد رضوان 30 رنز بنا کر کیچ آؤٹ ہوئے۔پشاور زلمی کی جانب سے یہ دونوں وکٹیں محمد عمران نے لیں۔
سلطانز کے صہیب مقصود نے 27 گیندوں جبکہ رائیلی روسوو نے صرف 20 گیندوں پر نصف سنچریاں بنائیں لیکن اپنی نصف سنچری کے مکمل ہونے کے فوراً بعد اگلی ہی گیند پر رائیلی روسوو ثمین گل کے ہاتھوں آؤٹ ہو گئے جبکہ صہیب مقصود 65 رنز کے ساتھ ناٹ آؤٹ رہے۔رائیلی روسوو کے بعد جانسن چارلز بھی ثمین گل کی ہی گیند پر بغیر کوئی رن بنائے آؤٹ ہوئے۔
پاکستان سپر لیگ کے چھٹے ایڈیشن کے فائنل میں ملتان سلطانز کے 207 رنز کے تعاقب میں پشاور زلمی نے 17 اوورز میں نو وکٹوں کے نقصان پر 151 رنز بنا لیے تھے نویں آؤٹ ہونے والے کھلاڑی عماد بٹ تھے جو سات رنز بنا کر عمران خان کی گیند پر آؤٹ ہوئے۔عمران طاہر نے زلمی کے چھٹے اور ساتویں اورآٹھویں کھلاڑی کو اوپر تلے پویلین کی راہ دکھا دی۔ روتھرفورڈ کو 18 کے انفرادی سکور جبکہ وہاب ریاض اور محمد عمران بنا کوئی رنز بنائے آؤٹ ہوئے۔چوتھی وکٹ اس وقت گری جب رومن پاؤل 23 رنز بنا کر وکٹوں کے پیچھے کیچ آؤٹ ہو گئے۔ پانچویں آؤٹ ہونے والے کھءاڑی شعیب ملک تھے جنہوں نے 48 رنز بنائے۔ وہ پندرھوین اوور کی پہلی گیند پر سہیل تنویر کی گیند کا نشانہ بن گئے۔اس سے پہلے شعیب ملک اور رومن پاول نے محتاط پارٹنر شپ میں کھیل جاری رکھا۔ شعیب ملک کے چند جارحانہ شاٹس کی بنا پر لگنے والے چھکوں نے زلمی کی اننگز کو سہارا دیا۔شعیب ملک بھی کریز پر آنے کے بعد جلد ہی وکٹوں کے عقب میں کیچ ہو گئے لیکن تھرڈ امپائر نے عمران خان کی اس گیند کو نوبال قرار دے دیا۔تیسری وکٹ اس وقت گری جب جوناتھن ویلز چھ رنز کے انفرادی سکور پر رن آؤٹ ہو گئے۔
اس سے پہلے ہدف کے تعاقب میں زلمی کے حضرت اللہ ززئی صرف چھ رنز بنا کر مزربانی کی گیند پر کیچ آؤٹ جبکہ کامران اکمل 36 رنز بنا کر عمران خان کے ہاتھوں آؤٹ ہوئے۔
یاد رہے کہ پشاور زلمی ایک مرتبہ پاکستان سپر لیگ کی چیمپیئن بن چکی ہے جبکہ ملتان سطانز کی ٹیم پہلی مرتبہ پی ایس ایل کا فائنل جیتی ہے۔فائنل میچ کے لیے پشاور نے اپنی ٹیم میں ایک تبدیلی کی اور عمید آصف کی جگہ ثمین گل کو ٹیم میں شامل کیا ہے جبکہ ملتان سلطانز نے اپنی ٹیم میں کوئی تبدیلی نہیں کی۔
