ملتان میں کرکٹ ٹیسٹ سیریز کے دومیچ کھیلنے کے لیے آنے والی انگلینڈ کرکٹ ٹیم کے کھلاڑی گرمی سے بے حال ہوگئے ۔برطانوی کھلاڑیوں کوٹیسٹ میچ کے دوران کم سے کم 26سینٹی گریڈ اورزیادہ سے زیادہ 39سے 40سینٹی گریڈ درجہ حرارت میں کھیلناپڑے گا۔برطانوی کھلاڑی ٹھنڈے علاقوں سے تعلق رکھتے ہیں جہاں گزشتہ پانچ ماہ سے سرد موسم تھا اوردرجہ حرارت انتہائی کم تھا۔
اُس موسم سے گردوگرما کے شہر ملتان میںآنے والے پریشانی کے عالم میں ہیں ۔ٹیم کے ساتھ فرائض سر انجام دینے والے پی سی بی ایک اہلکارنے نام ظاہر نہ کرنے کی شرط پربتایاکہ کھلاڑیوں کاکہناہے کہ ہم نے اورہمارے کوچز نے پاکستان روانگی سے پہلے انگلینڈ میں ہی اس شیڈول پرتنقید کی تھی ،اس موسم میں دن بھر چلچلاتی دھوپ میں گراﺅنڈ میں رہنا ہمارے لیے انتہائی پریشان کن ہے ۔معروف سپورٹس رپورٹر اورتجزیہ نگار عمران عثمانی نے اے پی پی سے بات چیت کے دوران کہاکہ ماضی میں انگلینڈ نے زیادہ ترفروری ،مارچ ،دسمبر اورنومبرکے مہینوں میں پاکستان کادورہ کیا ۔یہ پہلی بار ہے کہ یہ ٹیم اکتوبرکے اوائل میں پاکستان آئی ہے اوروہ بھی ملتان میں ۔
