ملتان میں کرکٹ سیریز جاری،تیسرے دن پاکستان کا بنگلہ دیش کو جیت کیلئے 411رنز کا ہدف

ملتان:چار روزہ انڈر19 میچ پاکستان کے کپتان سعد بیگ اور وہاج ریاض کی شاندار سنچریوں کی بدولت پاکستان نے بنگلہ دیش کو جیت کے لئے 411رنز کا ہدف دے دیا۔ پاکستان نے تیسرے روز کھیل کا آغاز 54 رنز 2 کھلاڑی آوٹ سے کیا ۔تیسرے روز کے کھیل کی خاص بات پاکستان ٹیم کے کپتان سعد بیگ اور وہاج ریاض کی شاندار سنچریاں رہیں۔دونوں بلے بازوں کے درمیان 222رنز کی شراکت قائم ہوئی۔ وہاج ریاض نے 117 کی اننگز میں 10چوکے اور 5چھکے لگانے کپتان سعد بیگ بھی 117رنز بنا کر آ وٹ ہوئے ۔انکی اننگزمیں 18چوکےاور1چھکا شامل تھا ۔ حسیب نظام نے 6چوکوں اور 1چھکے کی مدد سے برق رفتار 53رنز بنائے۔ ابتسام 23 رنز بنا سکے۔پاکستان کی ٹیم چائے کے وقفے سے قبل 356رنز بنا کر آ وٹ ہوئی ۔بنگلہ دیش کی جانب شہاب جیمز نے 24رنز کے عوض 4کھلاڑیوں کو پویلین کی راہ دکھائی۔ بورسن 61 رنز دے کر 2، معروف اورجیشان عالم 1،1کھلاڑی کو آ وٹ کرنے میں کامیاب ہوئے۔ 411 رنز کے تعاقب میں بنگلہ دیش ٹیم نے محتاط بیٹنگ کا آغاز کیا۔ تیسرے روز کے کھیل کے اختتام پر ایک وکٹ کے نقصان پر 60رنز بنائے۔ تیسرے روز میزبان ٹیم چودھری رضوان کی واحد وکٹ حاصل کر سکی۔ افتتاحی بلے باز 10رنز کی انفرادی اننگز کھیل سکے آ ج میچ کا چوتھا اور آخری روز ہوگا اوربنگلہ دیش کے شہریار ثاقب 29 ، سہاگ19 پر اننگز کا آغاز کریں گے۔