کور کمانڈر ہاؤس حملہ کیس : جنرل آصف نواز کی نواسی خدیجہ شاہ بیرون ملک فرار ؟

لاہور : کور کمانڈر ہاؤس پر حملے کی ملزمہ خدیجہ شاہ پولیس کو چکمہ دے کر گرفتاری سے بچنے میں کامیاب ہوگئیں تاہم ان کے شوہر کو پولیس نے گرفتار کرلیا ہے۔
نجی ٹی وی جیو نیوز کے مطابق خدیجہ شاہ سابق آرمی چیف آصف نواز جنجوعہ کی نواسی ہیں اور انہیں حکام کی جانب سے کور کمانڈر ہاؤس پر حملے کی مرکزی ملزمہ قرار دیا گیا ہے۔ پولیس نے ان کی گرفتاری کیلئے ان کے گھر پر چھاپہ مارا تو وہ پچھلے دروازے سے نکلنے میں کامیاب ہوگئیں جس کی سی سی ٹی وی فوٹیج بھی آگئی ہے۔ پولیس نے ان کے شوہر سابق وزیر خزانہ سلمان شاہ کو گرفتار کرلیا۔ پولیس ذرائع کے مطابق خدیجہ شاہ کے شوہر سلمان شاہ اوربھائی کو حراست میں لینے کا الزام غلط ہے۔
پولیس ذرائع کا کہنا تھاکہ عمرشیخ نامی شخص نے خدیجہ شاہ کوپناہ دی تھی۔پولیس ذرائع کے مطابق خدیجہ شاہ کے شوہر سلمان شاہ اوربھائی کو حراست میں لینے کا الزام غلط ہے۔
ادھر یہ اطلاعات بھی ہیں کہ خدیجہ شاہ بیرون ملک فرار ہو گئی ہیں اور ان کا ٹیوٹر اکاؤنٹ بھی ڈیلیٹ کر دیا گیا ہے ۔
پولیس نے جناح ہاؤس حملےکے تمام ثبوت حاصل کرلیے ہیں۔