ملتان : ملتان کے سینئر صحافی ایم اے شکور طویل علالت کے بعد جمعہ کے روز کراچی میں انتقال کرگئے ۔ان کی عمر 75برس تھی اوروہ گزشتہ چند ماہ سے علیل تھے۔ملتان میں زیرعلاج رہنے کے بعد وہ چند روز قبل کراچی چلے گئے تھے ۔
ایم اے شکور عمربھرنیوز ڈیسک کے ساتھ وابستہ رہے ۔انہوںنے نیوز ایڈیٹر کی حیثیت سے مختلف اخبارات میں کام کیا ۔ان کے شاگردوں کی بڑی تعدادملک بھر میں مختلف اخبارات اورچینلز کے ساتھ وابستہ ہے ۔سینئر صحافی اورملتان پریس کلب سے سابق جنرل سیکرٹری مظہرجاویدنے اے پی پی سے بات چیت کے دوران کہاکہ شکور صاحب کے ساتھ مجھے بھی کام کاموقع ملا وہ بہت خوبصورت اورمحبت کرنے والے انسان تھے ،بحثیت نیوزایڈیٹران کی شہ سرخیوں میں تخلیقی حسن پایاجاتاتھا۔
