ایشیائی ممالک میں جون جولائی کو سورج سوا نیزے پر ہوتا ہے. ایسے میں دن میں ٹیسٹ تو دور ون ڈے حتی کہ ٹی 20 میچ کھیلنا بھی جان جوکھوں کا کام ہوتا ہے لیکن لگتا ہے کہ بنگلہ دیش نے آسٹریلیا کو کڑی سزا یا پرانا حساب چکتا کرنے کا فیصلہ کر لیا ہے. بورڈ نے ہوم گرائونڈز پر آئی سی سی ٹیسٹ چیمپئن شپ کی سیریز کا جو شیڈول جاری کیا ہے اسکے دونوں میچز جون میں رکھے ہیں. کینگروز پہلا ٹیسٹ 11 جون سے چٹاگرام اور دوسرا ٹیسٹ 19 جون سے ڈھاکا میں کھیلیں گے. یہ بھی عجب اتفاق ہے کہ بنگلہ دیشی بورڈ نے مہمان ٹیم کی آمد کی تاریخ اور 4 روزہ پریکٹس میچ کے دن بھی نہیں بتائے. یہ بات تو طے ہے کہ میزبان ٹیم نے 30 مئی کو انگلینڈ میں آئرلینڈ کیخلاف آخری ٹی 20 میچ کھیلنا ہے اور اسکے بعد وطن واپس لوٹنا ہے. جون کا مہینہ بنگلہ دیش میں گرم اور بارشوں سے بھر پور ہوتا ہے اس ماہ اس نے تاریخ میں واحد ٹیسٹ بھارت کیخلاف 5 سال قبل 20 15 میں فتح اللہ میں کھیلا تھا. موسم کی یہ صورتحال میزبان ٹیم کیلئے مفید ثابت ہوگی ۔2006اور 2017 کے بعد آسٹریلیا کا یہ بنگلہ دیش کا تیسرا دورہ ہے جبکہ بنگلہ دیش 2003 کے بعد آسٹریلیا میں ٹیسٹ نہیں کھیل سکا.
