کوئٹہ : بلوچستان میں سرکاری ملازمین کی تادم مرگ بھوک ہڑتال کو ایک ہفتہ ہو گیا تاہم ان کے مسائل حل نہیں کیے جا سکے ۔
بلوچستان بھر میں سرکاری جونيئر اساتذہ 9ویں گریڈ اور 14ویں گریڈ پر کام کررہے ہیں جب کہ پنجاب، کے پی کے اور سندھ میں ان کا سکیل 14 اور 16 ہے ۔ اس زیادتی کے خلاف بلوچستان میں اساتذہ تادم مرگ بھوک ہڑتال پر ہیں۔ آج صوبائی اسمبلی کے سامنے احتجاج بھی کیا گیا ہے۔ اساتذہ کا مطالبہ ہے کہ انہیں بھی باقی صوبوں کی طرح اپ گریڈ کیا جائے ۔
