ملتان:ریڈیو،ٹی وی اورسٹیج کے نامورگلوکارنعیم الحسن ببلوکی تیسری برسی 6جون کومنائی جائے گی ۔نعیم الحسن ببلو کاشمار ان گلوکاروں میں ہوتاتھاجنہوں نے ملتان میں پاپ میوز ک متعارف کرایا۔انہوں نے 80کے عشرے میں پاپ بینڈ”میرا”گروپ کی بنیادرکھی جس میں ان کے ساتھ جاویدباری ،مختارباری اورڈگلس جیری بھی شامل تھے۔وہ کلاسیکل غزل ،گیت اورپاپ پربھرپورعبوررکھتے تھے۔وہ زکریایونیورسٹی کے شعبہ موسیقی اورملتان آرٹس کونسل میں موسیقی کی تعلیم دیتے رہے۔معروف صحافی ناصرمحمودشیخ نے کہاکہ نعیم الحسن ببلو میرے استادتھے وہ کافی عرصہ سے ڈپریشن کاشکارتھے ،موسیقی ان کااوڑھنابچھوناتھا،انہیں معاشی تنگدستی کی وجہ سے اپنا گھربھی فروخت کرناپڑگیاتھا۔وہ اب ہمارے درمیان موجودنہیں لیکن ان کی آواز آج بھی ہمارے کانوں میں رس گھولتی ہے۔
