ملتان۔ (اے پی پی):ملتان بھر میں چھوٹی عید کی بڑی تیاریاں جاری ہیں، لوگوں کی بڑی تعداد نے مختلف شاپنگ سنٹروں اوربازاروں سے ملبوسات ،جوتے اور زیورات خریدے۔
روایتی ملتانی ،بلوچی اورکشمیری کڑھائی والے سوٹ شہریوں کا توجہ کامرکز رہے۔ ایک خاتون کرن نے اے پی پی کو بتایاکہ کپڑے سلوانے کا وقت نہیں تھا اس لیے ہم نے ریڈی میڈ ملبوسات کوترجیح دی۔ملتان کے بازاروں حسین آگاہی، بوہڑ گیٹ، چوک بازار،کالے منڈی، گردیزی مارکیٹ، ممتازآباد اور صدر بازار سمیت مختلف مقامات پر چوڑیوں اور مصنوعی زیورات کی خریداری بھی عروج پررہی تا ہم اس مرتبہ مہنگائی کے باعث پہلے کے مقابلے میں کم رش دیکھنے میں آیا۔
