انگلینڈ سے جاری ہونے والی سالانہ بہترین کرکٹرز کی لسٹ میں نام نہ ہونے کے باوجود نیوزی لینڈ کی ایک خاتون کرکٹر اور ایک مرد کرکٹر نے بھی بہترین پلیئر آف دی ایئر کا ٹائٹل جیت لیا ہے.
نیو زی لینڈ پلیئرز کرکٹ ایسوسی ایشن آف دی ایئر کی سالانہ تقریب آن لائن ہوئی.
کیوی خاتون کرکٹ کپتان صوفی ڈیوائن سال کی بہترین کرکٹر کا ایوارڈ لے اڑیں اور یہ ان کی ہیٹ ٹرک بھی ہے. اس طرح وہ 2017 -18 سے 2019-20تک مسلسل تیسری مرتبہ اس اعزاز کی حقدار قرار پائیں اور کیوی کپتان کین ولیمسن کی ہم پلہ ہوگئی ہیں جنہوں نے یہ ایوارڈ 2015 سے 2017 تک حاصل کیا تھا. ڈیوائن کی شاندار پرفارمنس کا اندازہ اس بات سے ہی لگایا جاسکتا ہے کہ انہوں نے ٹی 20 انٹرنیشنل میں مسلسل 6 ففٹی پلس اننگز کھیلیں.
کیوی پیسر ٹم سائوتھی نے ان سے بھی بڑا ایوارڈ پلیئرز کپ جیت لیا .انہوں نے 2019-20 کے سیزن میں شاندار پرفارمنس پیش کی.انہوں نے 2 ٹیسٹ میچ میں وننگ پرفارمنس دکھائی. 2013 میں بھی انہوں نے یہ کپ اپنے نام کیا تھا.
سابق کیوی کپتان ڈینیئل ویٹوری نے آن لائن انعامات پیش کئے.
