ایک بہت خوب صورت اور محبت کرنے والا انسان ایسے رخصت ہوا کہ کسی کو یقین کرنے کی بھی مہلت نہ دی ۔۔ ندیم ملک صاحب سے محبت بھرا تعلق کوئی چند برسوں پر تو محیط نہیں تھا ۔۔ ہم مظفر گڑھ جاتے تو وہاں ان سے ملاقات ہو جاتی ، تین برس قبل کوٹ ادو گئے تو وہاں بھی والہانہ استقبال کے لیے موجود تھے ۔۔ ملتان جب بھی آتے کوئی ملاقات کی سبیل نکال لیتے تھے ۔۔وہ تنہا ایک انجمن اور تنہا ادارہ تھے ۔۔ ایک جنون تھا اور لگن تھی کام کرنے کی مظفر گڑھ ٹی ہاؤس بنایا تو ایسا شاندار کہ جو بھی گیا اس نے کہا کمال کر دیا ۔۔ کتابوں پر تبصرے کرتے تھے ، آڈیو ، ویڈیو اور تحریر میں بھی ۔۔ آخری رابطہ ان سے گزشتہ برس اگست میں ہوا جب انہوں نے مظفر گڑھ میں کتاب میلہ کرایا تھا ۔۔ رات بھر کام کرتے اور پھر صبح سویرے متحرک ہو جاتے ۔۔ آج دن کا آغاز ندیم بھائی کی رخصتی کی خبر سے ہوا ۔۔ نہیں یار یقین کرنے کی مہلت تو دیتے ۔۔۔ ندیم بھائی آپ ندیم الرحمان۔۔ رحم کرنے والے خدا کے دوست کہلاتے تھے سو خدا کے پاس چلے گئے ۔۔ ہمارا زور کہاں چلتا ہے ۔۔
