بانی پی ٹی آئی نے کہا ہے جنیداکبر کی طرف سے کی گئی تعیناتیاں فوری واپس لی جائیں، اعظم سواتی

راولپنڈی: پاکستان تحریک انصاف (پی ٹی آئی) کے رہنما اعظم سواتی کا کہنا ہے کہ بانی پی ٹی آئی نے کہا ہے کہ جنید اکبرکی طرف سے کی گئی تعیناتیوں کو فوری واپس لیا جائے۔
بانی پی ٹی آئی سے ملاقات کے بعدگفتگو کرتے ہوئے اعظم سواتی نے کہا کہ انہوں نے بانی پی ٹی آئی کو مانسہرہ کی کرپشن کے معاملات کا بتایا۔
اڈیالہ جیل حکام نے سلمان اکرم راجہ اور دیگر کو بانی پی ٹی آئی سے ملاقات کرنے سے روک دیا
اعظم سواتی نے کہا کہ انہوں نے بانی پی ٹی آئی کو پنجاب کے معاملات پر بریف کیا اور بتایا کہ وہاں عالیہ حمزہ کا راستہ روکا جارہا ہے۔
سیکرٹری جنرل پی ٹی آئی سلمان اکرم راجہ نے کہا کہ اعظم سواتی کی بات پر جنید اکبر سے بات کریں گے۔
انہوں نے کہا کہ پنجاب میں اگرکوئی مسئلہ ہے تو اس پربھی گفتگو ہوسکتی ہے، پارٹی میں کوئی لڑائی نہیں، چھوٹے موٹے معاملات چلتے رہتے ہیں۔
(بشکریہ :جیو نیوز)