معروف خطاط، ڈیزائینر اور صحافی ارشد خرم انتقال کر گئے

ملتان : معروف خطاط ،  ڈیزائنر اور صحافی ارشد خرم آج 18 جنوری کی شب حرکتِ قلب   بند ہو جانے سے ملتان میں انتقال کر گئے ان کی عمر 65 برس تھی ۔ محمد  ار شد خرم کا تعلق ملتان سے تھا ،  انہوں نے بہت اوائل عمری میں خطاطی کے شعبے سے وابستگی اختیار کی  جس کے بعد وہ صحافت کے ساتھ منسلک ہو گئے۔  1970 کے عشرے میں وہ روزنامہ آ فتاب میں خطاط اور  سب  ایڈیٹر حیثیت سے کام کرتے تھے ۔۔

کچھ عرصہ کام وہاں  کرنے کے بعد وہ کراچی روانہ ہو گئے ۔  کراچی جا کر ا انہوں نے مختلف اخبارات کے شعبہ خطاطی اور شعبہ ادارت میں خدمات انجام دیں ۔ اسی دوران وہ ہفت روزہ ’’   تکبیر کے ساتھ وابستہ ہو گئے ۔۔  ’’ تکبیر ‘‘ میں انہیں مولانا صلاح الدین  کی رفاقت  میسر آ ئی ۔۔ ایم کیو ایم کے بارے میں حقائق منظِ عام پر لانے کی پاداش میں تکبیر کے تمام سٹاف کو مشکل حالات کا سامنا کرنا پڑا ۔۔

4  دسمبر  1994 میں محمد صلاح الدین کے قتل کے بعد وہ ہفت روزہ ’’ امت ‘‘ سے وابستہ ہو گئے ۔۔ چند برس قبل وہ ملتان واپس آگئے ۔۔ اور یہاں اپنے خطاط دوستوں راشد سیال ، اور مختار علی کے ساتھ مل کر دوبارہ خطاطی شروع کر دی

چند برس قبل  موٹرسائیکل کے حادثےمیں ان کا بازو فریکچر ہو گیا تھا ۔ صحت یابی کے بعد وہ دوبارہ  خطاطی میں منہمک ہو گئے ۔  ان کی نماز جنازہ کا اعلان بعد نماز عشاء مسجد ختم نبوت پرانی بقر منڈی ملتان میں ادا کی جائے  گی  ۔