پشاور : پی ٹی آئی کے روپوش رہنما اور سابق وفاقی وزیر مراد سعید کی کتاب “دزد نیم شب کا رقیب” شائع ہو گئی ہے۔ یہ تصنیف حالیہ قومی اور سیاسی تاریخ کے اہم اور حساس واقعات کا احاطہ کرتی ہے۔مرزا شہزاد اکبر بیگ نے ایکس پر اپنی پوسٹ میں لکھا ہے کہ اس کتاب میں دہشت گردی کے خلاف جنگ کی اصل حقیقت، مبینہ رجیم چینج آپریشن، خیبر پختونخوا میں کھیلی جانے والی ڈبل گیم، اور ارشد شریف کے خلاف سازش جیسے درجنوں موضوعات کو تفصیل اور استدلال کے ساتھ پیش کیا گیا ہے۔
کتاب کا عنوان دراصل احمد فراز کی مشہور نظم “محاصرہ” کے مصرعے “دزدِ نیم شب کے رفیق” سے ماخوذ ہے۔ مراد سعید نے یہاں “رفیق” کی جگہ “رقیب” کا لفظ استعمال کیا ہے، جو بدلتے ہوئے سیاسی و سماجی حالات میں ایک معنی خیز اور علامتی تبدیلی محسوس ہوتی ہے۔
