لندن: سوشل میڈیا پر مزاحیہ انداز میں گلوکاری سے شہرت پانے والے چاہت فتح علی خان کے سر پر انڈے مارنے کی ویڈیو وائرل ہوگئی۔
چاہت فتح علی خان کے ساتھ ناخوشگوار واقعہ لندن میں پیش آیا جس کی ویڈیو سوشل میڈیا پر بھی وائرل ہو رہی ہے، ویڈیو میں گلوکار کے سر پر انڈے پڑتے دیکھا جا سکتا ہے۔
ویڈیو میں دیکھا جاسکتا ہے کہ چاہت فتح علی خان ایک دکان کے باہر موجود ہیں جہاں وہ اپنے مداحوں سے مل رہے ہیں۔
گلوکار اپنے منفرد انداز میں مداحوں کو سلام کر رہے تھے کہ اچانک کالے رنگ کے لباس پہنے 2 نامعلوم افراد آئے اور ان کے سر پر انڈے مار کر فرار ہوگئے۔
( بشکریہ جیو نیوز )
