ملتان ۔۔ گردو پیش نیوز ۔۔ معروف مزاح نگار اور انکل سرگم جیسے پتلی تماشا کردار کے خالق فاروق قیصر کی پانچویں برسی آج منائی جا رہی ہے ان کا 14مئی 2021 کو عارضہ قلب کے باعث انتقال ہو گیا تھا ۔ فاروق قیصر 31 اکتوبر 1945 کو لاہور میں پیدا ہوئے، انہوں نے نیشنل کالج آف آرٹس لاہور سے تعلیم حاصل کی۔ فاروق قیصر ایک مصنف،کالم نگار ،کارٹونسٹ اور ٹی وی پروڈیوسر تھے اور انہوں نے تمام شعبوں میں اپنی صلاحیتوں کا لوہا منوایا، وہ این سی اے اور فاطمہ جناح وومن یونیورسٹی میں تدریس سے بھی منسلک رہے،۔
انہیں 1993ء میں تمغہ حسن کارکردگی سے بھی نوازا گیا۔ پی ٹی وی کا مشہور پروگرام ‘کلیاں ‘ ان کی پہچان بنا جس میں انکل سرگم کے کردار نے بے پناہ شہرت دلائی، اس کردار کے ذریعے انہوں نے معاشرتی مسائل اجاگرکیے۔
