ملتان کے بیوپاری قربانی کے جانوروں کی بہتر قیمت حصل کرنے کے لیے بالائی پنجاب چلے گئے۔

جنوبی پنجاب کے کسانوں اور بیوپاریوں کی بڑی تعداد قربانی کے جانوروں کی فروخت کے لیے بالائی پنجاب روانہ ہو گئی۔بیوپاریوں کا کہنا ہے کہ جنوبی پنجاب میں جانوروں کی قیمتیں بالائی پنجاب کے مقابلے میں بہت کم ہیں اس لیے ہم فیصل آباد،لاہور،اسلام آباد،گوجرانوالامیں جانور لے کر جاتے ہیں اور بہتر قیمت حاصل کرتے ہیں۔ایک کاشتکار ناصر بگا نے اے پی پی کو بتایا کہ وہ اپنے تین ساتھیوں کے ہمراہ قربانی کے 27جانور لے کر گوجرانوالا گیا تھا جہاں ہم اب تک بہتر قیمت پر 24جانور فروخت کر چکے ہیں۔اور ہمیں امید ہے کہ باقی تین جانور بھی آج شام تک مناسب قیمت پر فروخت ہو جائیں گے اس کے بعد ہم گھر واپس جا کر اپنے بچوں کے ساتھ عید منائیں گے۔