اداروں نے آئی ایم ایف اہداف پر عملدرآمد کیا، کارکردگی اطمینان بخش ہے: نگران وزیر خزانہ

اسلام آباد: نگران وزیر خزانہ ڈاکٹر شمشاد اختر نے کہا ہے کہ تمام اداروں نے آئی ایم ایف کی طرف سے دیے گئے اہداف پر عملدرآمد کیا اور کارکردگی اطمینان بخش ہے۔
ایک بیان میں نگران وزیر خزانہ نے کہا کہ آئی ایم ایف کے ساتھ مذاکرات مثبت طریقے سے آگے بڑھ رہے اور اس وقت معاشی ٹیم آئی ایم ایف کے ساتھ مذاکرات میں مصروف عمل ہے۔
ڈاکٹر شمشاد اختر نے مزید کہا کہ تمام اداروں نے آئی ایم ایف کی طرف سے دیے گئے اہداف پر عملدرآمد کیا اور کارکردگی اطمینان بخش ہے لہٰذا مذاکرات کامیاب ہونے کی قوی امید ہے۔
واضح رہے کہ حال ہی میں ایف بی آر نے آئی ایم ایف کی شرائط کے مطابق ٹیکس استثنیٰ کے خاتمے کیلئے عملدرآمد رپورٹ مرتب کی تھی جس کو آئی ایم ایف ٹیم کے ساتھ شیئر کیا گیا ہے اور آئی ایم ایف کو نئی ٹیکس ایمنسٹی اسکیم نہ لانے کی یقین دہانی کرا دی گئی تھی۔
(بشکریہ: جیونیوز)