پہلی ڈیجیٹل مردم شمار ی کی تیاریاں مکمل : ہر شہری اپنا ڈیٹا خود اپ لوڈ کرے گا

ملتان (اے پی پی):کمشنر ملتان اشفاق احمد چوہدری نے کہاہے کہ ملکی تاریخ میں یکم فروری سے شروع ہونے والی پہلی ڈیجیٹل 7ویں خانہ و مردم شماری کے لئے تیاریاں مکمل کرلی گئی ہیں ۔ان خیالات کااظہارانہوں نے مردم شماری بارے جائزہ اجلاس کی صدارت کرتے ہوئے کیا ۔
انہوں نے ہدایت کی کہ مردم شماری بارے فول پروف انتظامات کئےجائیں۔انہوں نے کہاکہ جدیددورمیں ٹیکنالوجی کے کلیدی کردار سے انکار ممکن نہیں اور پہلی ڈیجیٹل مردم شماری میں جیوٹیگنگ شامل ہے۔ اس موقع پربریفنگ میں بتایاگیاکہ ڈویژن میں 5559 شمار کنندگان، 873 سپروائزر مردم شماری میں ڈیوٹی سرانجام دیں گے۔ ڈویژن بھر میں مردم شماری کیلئے 9975 بلاک بنائے گئے ہیں۔ ملک بھر میں خانہ و مردم شماری پر 34 ارب روپے لاگت آئے گی۔
ظہورشاہ نے بتایاکہ ہر شہری پورٹل پر ڈیجیٹل مردم شماری میں از خود اپنا ڈیٹا اپ لوڈ کر سکے گا۔واضح رہے کہ یہ مردم شمار ی یکم فروری 2023سے شروع ہورہی ہے ۔