ٹوبہ ٹیک سنگھ: کراچی سے ننکانہ جانے والی سکھ یاتریوں کی سپیشل ٹرین کی آٹھ بوگیاں پٹری سے اتر گئیں۔ تاہم کوئی جانی نقصان نہیں ہوا۔
ڈپٹی کمشنر ٹوبہ ٹیک سنگھ چوہدری محمد ارشد نے خود ریسکیو اور ریلیف آپریشن کی نگرانی کی۔ انہوں نے بتایا کہ ضلعی انتظامیہ تمام یاتریوں کو سہولتیں فراہم کررہی ہے۔ ریسکیو اینڈ ریلیف آپریشن میں تمام ادارے قومی جذبے کے ساتھ اپنا کردارادا کررہے ہیں۔ ضلعی انتظامیہ نے نزدیکی تحصیل کے ہسپتالوں میں طبی ایمرجنسی نافذ کردی ہے۔ ٹرین کو حادثہ پیر محل اورشورکوٹ کے درمیان چک 326 گ ب کے قریب پیش آیا۔ٹرین کی 16میں سے 8بوگیاں پٹٹری سے اتریں۔ذرائع کے مطابق ٹرین میں 600سکھ یاتری موجودتھے۔ ریلوے لائن ابھی کلیئرنہیں کی گئی۔ اس ٹریک سے صرف دوٹرینیں گزرتی ہیں ۔ٹرین کے باقی مسافروں کو پبلک ٹرانسپورٹ کے ذریعے روانہ کردیاگیا جبکہ محفوظ بوگیاں مسافروں کو لے کر ننکانہ صاحب کی طرف روانہ کردی گئی۔